2025-yil 29–30-avgust kunlari “O‘zekspomarkaz” MKK” AJning ochiq maydonida “Music Fest & Mazza Food” festivali bo‘lib o‘tmoqda. Ushbu tadbir eng sara gastronomik va musiqiy hamkorlarni bir joyga jamlab, barcha mehmonlar uchun unutilmas taassurotlar ulashadi.

Festivalda sizni 40 dan ortiq hamkorlar kutmoqda, ular orasida sevimli Dodo Pizza, Dayako Chicken, Bon, Safia, Yapona Mama, Ramen, Fretta, Grafetta, Sholi, Easybox, Nice Joy va yana ko‘plab brendlar pitsa va rollardan tortib palov, shirinliklargacha sizlarni yorqin ta'mlarga boy mazali taomlar bilan hushnud etadi.

Oilaviy mehmonlar uchun alohida bolalar maydonchasi tashkil etilgan, do‘stlar bilan birga dam olish uchun piknik zonasi ham mavjud. Mehmonlar uchun 40 dan ortiq maxsus bezatilgan fotozonalar tashkil etilib, ularda yorqin va unutilmas lahzalarni suratga muhrlash imkoniyati yaratilgan. Shuningdek, mashhur DJlar va estradamizning yorqin yulduzlari ishtirokida konsert bo‘lib o‘tmoqda: Lola Yo‘ldosheva, Ruhsora Emm, DJ Safronov, DJ Piligrim va Rishat Band.

Har soatda o‘nlab hamkorlar tomonidan sovrinlar va aksiyalar o‘tkaziladi.

Tashkilotchi — TEHNIKUM kompaniyasi.