2025-йил 29–30-август кунлари “Ўзэкспомарказ” МКК” АЖнинг очиқ майдонида “Music Fest & Mazza Food” фестивали бўлиб ўтмоқда.

Ушбу тадбир энг сара гастрономик ва мусиқий ҳамкорларни бир жойга жамлаб, барча меҳмонлар учун унутилмас таассуротлар улашади.

Фестивалда сизни 40 дан ортиқ ҳамкорлар кутмоқда, улар орасида севимли Dodo Pizza, Dayako Chicken, Bon, Safia, Yapona Mama, Ramen, Fretta, Grafetta, Sholi, Easybox, Nice Joy ва яна кўплаб брендлар пицца ва ролллардан тортиб палов, ширинликларгача сизни ёрқин таъмларга бой мазали таомлар билан ҳушнуд этади.

Оилавий меҳмонлар учун алоҳида болалар майдончаси ташкил этилган, дўстлар билан бирга дам олиш учун пикник зонаси ҳам мавжуд.

Меҳмонлар учун 40 дан ортиқ махсус безатилган фотозоналар ташкил этилиб, уларда ёрқин ва унутилмас лаҳзаларни суратга муҳрлаш имконияти яратилган.

Шунингдек, машҳур DJлар ва эстрадамизнинг ёрқин юлдузлари иштирокида концерт бўлиб ўтмоқда: Лола Йўлдошева, Рухсора Emm, DJ Safronov, DJ Piligrim ва Rishat Band.

Ҳар соатда ўнлаб ҳамкорлар томонидан совринлар ва акциялар ўтказилади.

Ташкилотчи — TEHNIKUM компанияси.