“O’zekspomarkaz” MKК” AJ

Boshqaruv raisining

04.03.2023-yildagi 23/1-ICh-son

Buyrug’ining 2-ilovasi

Suv attraksionlari bog’i (Akvabog’i)ga tashrif buyurish tartibi

“O‘zekspomarkaz” Milliy ko‘rgazmalar kompaniyasi” aksiyadorlik jamiyati (keyingi o‘rinlarda – “O‘zekspomarkaz” MKK” AJ) tasarrufidagi “Akvabog’i” suv attraksionlari bog‘i (keyingi o‘rinlarda – “Akvabogi’”) Toshkent shahar, Yunusobod tumani, Amir Temur ko‘chasi, 107-uy manzilida joylashgan.

“Akvabog’i” — ko‘p funksiyali suv attraksionlari bog‘i bo‘lib, u jismoniy faollik va kuch sarflanishini talab etadi. Suv attraksionlari belgilangan tartibda maxsus texnik ko‘riklardan o‘tkazilgan bo‘lib, ulardan to‘g‘ri foydalanilgan holatda inson hayoti va salomatligiga xavf tug‘dirmaydi.

Akvabog’iga tashrif buyuruvchilar tashrifdan oldin o‘zining jismoniy holati va suzish qobiliyatini mustaqil baholashi lozim.

Akvabog’idan foydalanish Qoidalari (keyingi o‘rinlarda – Qoidalar) sizning xavfsiz va maroqli dam olishingizni ta’minlashga qaratilgan bo‘lib, barcha tashrif buyuruvchilar, ularning yoshidan qat’i nazar, ushbu Qoidalarga rioya etishlari shart.

Qoidalar quyidagi joylarda e’lon qilingan:

• “Akvabog’i”ning kirish hududida;
• Shaxsiy buyumlarni saqlash va kiyim almashtirish xonasidagi axborot stendlarida;
• “O‘zekspomarkaz” MKK” AJ rasmiy veb-saytida.

 “Akvabog’i” kirish chiptasini sotib olish orqali tashrif buyuruvchi ushbu Qoidalar bilan tanishganini va ularga to‘liq rioya etish majburiyatini olganini tasdiqlaydi.

1. UMUMIY QOIDALAR

• Ushbu qoidalar Akvabog’iga tashrif buyuruvchilarga xizmat ko’rsatish tartibi, ularga qo’yiladigan majburiy xavfsizlik, gigiyena va boshqa talablar, shuningdek, tashrif buyuruvchilarning huquqlari, majburiyatlari va javobgarlik chegaralarini, chiptalarni sotish va qo’shimcha xizmat ko’rsatish tartibini, Akvabog’iga kirishga ruxsat etilmaydigan holatlarni, voyaga yetmaganlar tashrifi bilan bog’liq bo’lgan qoidalarni, yechinish va yuvinish xonalaridan foydalanish tartibini, cho’milish kiyimlaridan foydalanish bo’yicha talab va tavsiyalarni, suv attraksionlari hamda basseynlarda o’zini tutish qoidalarini, shuningdek, Akvabog’ining ovqatlanish hududiga tashrif buyurish tartibi va shartlarini belgilaydi.

 

1.2. Akvabog’iga tashrif buyuruvchilar va xodimlar o‘zaro xushmuomala bo‘lishlari, shuningdek, Akvabog’ining texnik vositalari, jihozlari, inshootlari va kommunikatsiya tizimlariga ehtiyotkorlik bilan munosabatda bo‘lishlari lozim.

1.3. Akvabog’iga tashrif buyurish qoidalari bo‘yicha savollar yuzaga kelganda, batafsil    ma’lumotni kassa xodimlaridan yoki ma’murlardan olish mumkin.

2. TASHRIF BUYURUVCHILARGA BERILGAN HUQUQLAR:

2.1. Kirish chiptasini sotib olganidan so‘ng, barcha basseynlar va suv attraksionlaridan (6-chi bandda ko‘rsatilgan shaxslar bundan mustasno) foydalanish huquqiga ega.

2.2. Dastlabki tibbiy yordam ko’rsatish huquqiga ega bo‘lish.

2.3. Ko’ngilochar zona hududida joylashgan kreslolar va shezlonglardan bepul foydalanish huquqi.

2.4. Akvabog’i xizmatlaridan foydalanishda yuzaga kelgan har qanday noaniqliklar bo‘yicha kerakli ma’lumotlarni olish uchun Akvabog’ining mas’ul xodimlariga murojaat qilish huquqiga ega.

2.5. O’z ixtiyoriga ko’ra, seansni erta tugatish va Akvabog’idan chiqish huquqiga ega. To‘liq foydalanilmagan vaqt uchun pulni qaytarish amalga oshirilmaydi.

2.6. Restoran, savdo nuqtalari va boshqa qo’shimcha xizmatlardan foydalanish uchun to’lovni amalga oshirish huquqiga ega.

3. TASHRIF BUYURUVCHILARNING MAJBURIYATLARI:

3.1. Ushbu Qoidalarni bajarish, dam oluvchilarning salomatligini saqlash va tartibni ta’minlash, sanitariya-gigiyena talablariga rioya qilish, basseynlar va suv attraksionlaridan foydalanish qoidalariga amal qilish, shuningdek, instruktor ko‘rsatmalarini bajarish shart. Akvabog’ining mulkiga ehtiyotkorlik bilan munosabatda bo‘lish, boshqa tashrif buyuruvchilarga va xizmat ko‘rsatuvchi xodimlarga hurmat bilan yondashish lozim.

3.2. Akvabog’i hududiga kirish uchun chiptani faqat Akvabog’i kassasidan sotib olish zarur.

3.3. Akvabog’i xodimlariga darhol favqulodda vaziyatlar yuzaga kelganligi haqida xabar berish kerak, chunki bular tashrif buyuruvchilarning salomatligiga zarar yetkazishi mumkin.

3.4. Voyaga yetmagan bolalarni xavfsizligi uchun ular bilan birga kelgan shaxslar javobgardirlar.

Voyaga yetmagan bolalarni xavfsizligi uchun kuzatib boruvchi shaxslar, ularning Akvabog’ida bo‘lishi davomida xavfsizligini ta’minlash uchun shaxsiy mas’uliyatni to‘liq o‘z zimmasiga olishadi.

3.5. Xavfsizlik bo‘limi xodimlarining talabiga binoan, shaxsiy buyumlar (sumkalar, ryukzaklar va boshqa narsalar)ni ko‘rikdan o‘tkazishga taqdim etish majburiy.

4. TASHRIF TARTIBI, VAQTNI HISOBGA OLISH VA BELGILANGAN MUDDATDAN OSHIB KETGAN VAQT UCHUN QO’SHIMCHA TO’LOV

4.1. Tashrif buyuruvchi turniket orqali o‘tish uchun chipta kodini kiritadi va so‘ngra avtomatik tarzda to‘liq ishlatilgan chiptani taqdim etadi (chiptaning avtomatik tarzda to‘liq ishlatilganini turniket tekshiradi), bundan so‘ng u kalitli qulupni va shkaf raqami bo‘lgan belgi olish imkoniyatiga ega bo‘ladi. Chipta uch soat davomida Akvabog’ida bo‘lish va barcha suv attraksionlaridan foydalanish huquqini beradi. Sotib olingan chipta qaytarilmaydi.

4.2. Vaqtni hisoblash tashrif buyuruvchi turniketdan o‘tganidan so‘ng avtomatik ravishda boshlanadi. Chipta va garov maxsus qimmatbaho buyumlar uchun mo‘ljallangan idishda saqlanadi.

4.3. Tashrif buyuruvchi garovni topshirishi shart bo‘lib, bu garov qulup, kalit yoki belgi yo‘qolgan holatda yoki Akvabog’idan chiqish vaqtida kechikish yuzaga kelganida to‘lovni kafolatlaydi.

4.4. Garovni taqdim etmagan tashrif buyuruvchilar Akvabog’i hududiga kiritilmaydi.

4.5. Akvabog’i xodimi chiptani garov bilan qimmatbaho buyumlar uchun mo‘ljallangan idishga joylab, tashrif buyuruvchiga qulup, kalit va shkaf raqami belgisini beradi.

4.6. Tashrif buyuruvchi o‘ziga mos keladigan shkafni topib, suzish kiyimini (cho`milish kiyimlari) kiyib, rezina poyabzal (shiferlar, shippaklar, plyaj poyabzali va boshqalar) kiyadi va shkafni qulup bilan yopadi. Akvabog’i hududiga faqat suzish kiyimida kirish mumkin. Suvli ko‘ngilochar zonaga kirishdan oldin va keyin tashrif buyuruvchi dush qabul qilishi va yuvinish vositalaridan foydalanish majburiyatini oladi. Shkaflarda pul, zargarlik buyumlari, video, audio, fotoapparat va hujjatlarni saqlash taqiqlanadi. Akvabog’i ma’muriyati ushbu buyumlarning yo‘qolishiga javobgar emas.

4.7. Tashrif buyuruvchi belgi va kalitni har doim o‘zida saqlashi kerak va ularni boshqa shaxsga topshirishi taqiqlanadi.

4.8. Agar tashrif buyuruvchida belgi va kalit bo‘lmasa, u Akvabog’idan chiqariladi va ichki ishlar bo‘limi xodimlariga topshiriladi.

4.9. Uch soatlik vaqt tugagandan so‘ng, tashrif buyuruvchi belgi, qulup va kalitni taqdim etib, garovni oladi.

4.10. Agar tashrif buyuruvchi Akvabog’ida bo‘lish vaqti o‘tib ketgan bo‘lsa, har bir to‘liq yoki qisman kechiktirilgan soat uchun jarima to‘lanadi, bu jarima kattalar yoki bolalar chiptalariga nisbatan farq qilmaydi.

4.11. Kechikkan vaqt uchun qo‘shimcha to‘lovni Akvabog’i kassasidan olish mumkin.

4.12. Agar belgi, kalit yoki qulup yo‘qolgan bo‘lsa, garov qaytarilmaydi.

5. AKVABOG’IDA TA’QIQLANADI:

5.1. Kirish chiptasini to‘lamasdan nazorat nuqtalaridan o‘tish, shuningdek, yopiq nazorat nuqtalari va to‘siqlardan o‘tish.

5.2. Kir kiyim yoki poyabzalda, kesuvchi, teshuvchi, shishadan yasalgan buyumlar bilan, alkogol, narkotik yoki boshqa zaharlovchi moddalar ta’sirida, ochiq yaralar, yuqumli va teri kasalliklari bilan kasallangan holda, shuningdek, tibbiy bandajlar va leykoplastirlar bilan, yoki diqqat va reaksiya tezligini pasaytiruvchi dori-darmonlar ta’sirida bo‘lgan holda kirish.

5.3. Spirtli ichimliklarni olib kelish va ichish, narkotik moddalarni iste’mol qilish.

5.4. Portlash xavfini tug‘diruvchi, zaharli, portlovchi, yoki oson sindiriladigan buyumlarni, shuningdek, qurol va gaz qurollarini, bosim ostidagi idishlarni olib kelish.

5.5. Uy hayvonlari yoki yovvoyi hayvonlar bilan kirish. Tarvuz, qovun va boshqa turdagi poliz ekinlari hamda oziq-ovqat mahsulotlarini olib kelish.

5.6. Akvabog’i hududida tamaki chekish, shu jumladan elektron sigaretalar va boshqa alternativ chekish vositalarini ishlatish, faqat chekish uchun ajratilgan hududdan tashqari.

5.7. Jihozlarni va binolar hamda inshootlarning bezaklarini buzish.

5.8. Savdo, reklama va boshqa tijorat faoliyatini, agar Administratsiya tomonidan tegishli ruxsatnoma olinmagan bo‘lsa, amalga oshirish.   

6. QUYIDAGI SHAXSLARGA SUV ATTRAKSIONLARIDAN FOYDALANISH TA’QIQLANADI

6.1. Homilador ayollar.

6.2. Ortiqcha tana vazniga ega bo‘lgan, jarrohlik amaliyotini boshdan kechirgan, yurak, umurtqa yoki boshqa sog‘liq muammolari mavjud bo‘lgan shaxslar.

6.3. 7 yoshgacha bo‘lgan bolalar ota-onalari kuzatuvida faqat bolalar hovuzidagi suv attraksionlaridan foydalanishlari mumkin.

6.4. 12 yoshgacha bo‘lgan bolalar suv attraksionlaridan faqat ota-onalari hamrohligida foydalanishlari mumkin.

7. USHBU QOIDALAR BUZILGANLIGI UCHUN JAVOBGARLIKKA TORTILADI:

7.1. Akvabog’i mulkiga zarar yetkazilgan taqdirda, tashrif buyuruvchi O‘zbekiston Respublikasining amaldagi qonunchiligiga muvofiq javobgarlikka tortiladi.

7.2. Ushbu Qoidalar bandlarining buzilishi holatlarida, Akvabog’i ma’muriyati tashrif buyuruvchini hududdan chiqib ketishiga majbur qilish, xizmat ko‘rsatishni rad etish va kirishni taqiqlash huquqiga ega. Qoidalarni buzgan tashrif buyuruvchilarga to‘langan mablag‘lar qaytarilmaydi.

7.3. Akvabog’ida bir vaqtning o‘zida bo‘lishi mumkin bo‘lgan tashrif buyuruvchilar soni cheklangan. Qulay sharoit va xavfsizlikni ta’minlash maqsadida, maksimal tashrifchilar soniga yetilgan taqdirda, Akvabog’i ma’muriyati vaqtincha xizmatlar ko‘rsatishni to‘xtatish huquqiga ega.

7.4. Akvabog’i ma’muriyati, ushbu Qoidalar va Park faoliyatini tartibga soluvchi boshqa ko‘rsatmalarga, ish faoliyatini va obro‘sini yaxshilash maqsadida, bir tomonlama tartibda asosli o‘zgartirishlar kiritish huquqini o‘zida saqlab qoladi.

7.5. Tashrif buyuruvchilar tomonidan ushbu Qoidalar va instruktor ko‘rsatmalariga amal qilinmagan holatlarda yuzaga kelgan baxtsiz hodisalar uchun Akvabog’i ma’muriyati javobgar emas.

                SUV ATTRAKSIONLARI VA HOVUZLARDAN FOYDALANISH QOIDALARI

Suv attraksionlari:
«Bolalar hovuzi», «Toboggan», «Sokin yo’l» va «Kamikadze»

Hovuzlar:
«To‘lqinli hovuz», «Jakuzi», «O‘smirlar hovuzi», «Bolalar hovuzi»

Suv attraksionlari tezlikda sirpanish uchun mo‘ljallangan.
Tashrif buyuruvchi o‘zining jismoniy holatini, sog‘lig‘i yoki farzandining salomatligini mustaqil ravishda baholab, xavfsizligini inobatga olgan holda suv attraksionini tanlashi lozim.

Tashrif buyuruvchi quyidagilarga majbur:

• Suvga kirishdan oldin tashqi hojatxonadan foydalanish va dush qabul qilish;
• Instruktor ko‘rsatmalariga amal qilish;
• Har bir sirpanish oralig‘ida kamida 30 soniyalik tanaffus saqlash;
• Hovuzlar va quyoshli terassalarning tozaligini saqlash.

Quyidagilar taqiqlanadi:

• 12 yoshgacha bo‘lgan bolalarga kattalar nazoratisiz hovuzlar va attraksionlardan foydalanish;
• 7 yoshgacha bo‘lgan bolalarga «Toboggan», «Sokin yo’l» va «Kamikadze» attraksionlardan foydalanish;
• 5 yoshgacha bo‘lgan bolalarga bolalar hovuzi va undagi attraksionlardan kattalarsiz foydalanish;
  12 yoshdan katta bolalar va kattalarga bolalar hovuzidan foydalanish;
• Homilador ayollar, ortiqcha vaznga ega shaxslar, jarrohlik amaliyotidan chiqqanlar, yurak kasalligi, tayanch-harakat tizimi yoki boshqa hayotiy muhim a’zolarda muammosi bo‘lgan shaxslarga suv attraksionlaridan foydalanish;
• Spirtli ichimlik yoki narkotik moddalar ta’sirida bo‘lgan shaxslarga hovuzlar va attraksionlardan foydalanish;
• Erkin sirpanish vaqtida harakatni sekinlashtirish, o‘rindan turish, yo‘lak bo‘ylab yurish, bosh bilan oldinga qarab yoki o‘tirgan holatda sirpanish;
• O‘zi bilan begona buyumlarni olib chiqish;
• Attraksionlardan tushish hududida turish, «Sokin yo’l» va «Toboggan» attraksionlaridan tushish hovuzlarida suzish;
• Hovuzlarga sho‘ng‘ish;
• Hovuzlarning quyoshli terassalarda yugurish, jarohatlanish yoki boshqalarga zarar yetkazishi mumkin bo‘lgan o‘yinlarni o‘ynash;
• To‘siqlardan oshib o‘tish, panjaralar ustida turish yoki yurish;
• «To‘lqinli hovuz» ishga tushirilgan vaqtda nazorat chizig‘idan o‘tib ketish;
• Suv attraksionlarida navbatga turish qoidasiga rioya qilmaslik yoki tartibsizlik qilish;
• Attraksion zinapoyalari va maydonchalarida kurashish, itarish, o`zgalarni yoki o’zini to’siq panjarasidan tashqariga chiqarish yoki osilib olish.