Қуёш чиқаётган мамлакатда тош қўйишнинг махсус санъати мавжуд бўлиб, у Суте-Иши деб номланади. Японлар буддист роҳиблардан ўрнак олиб, тош боғи ҳақида ўйлаш орқали коинотнинг энг ички сирларига таъсир қилиш, ўз қалбини билиш ва доноликка эришиш мумкинлигига ишонишади. Япон боғи ҳудудида жойлашган "Секитеи" боғи Зен Буддизм даврининг 14-аср анъаналарига мувофиқ яратилган. Эҳтиёткорлик билан танланган ва тўғри жойлаштирилган тошлар чуқур фалсафий маънога тўла композицияларни ҳосил қилади, улар табиий тинчлик ва осойишталикни изловчиларни ўзига жалб қилади.

Янги турмуш қурганлар ва эр-хотинларнинг сайр қилиш учун севимли жойига айланган эски кўл яқинидаги қирғоқ алоҳида таъкидланиши керак. Айнан шу ердан гилос гуллари ўз баргларини сокин сув юзасига ташлаб, ноёб табиий жозиба муҳитини яратади. Кўл юзаси шамол таъсири остида сузади ҳамда сув ирислари, гиацентлар  ва унинг тубида манзарали олтин балиқлар айланади. Шарқ экзотизми билан уйғунлашган табиий уйғунлик тўй арафасида романтик юриш ёки унутилмас фотосессия учун мукаммал фон бўлади.

Табиат гўзаллиги орқали инсон ўзини ўзи билади ва унинг тафаккури инсон қалби оламига олижаноб таъсир кўрсатади, деб ишонилади. Япон боғини қуриш жараёнида шарқона афсоналарга кўра, тирик руҳ ва энергияга эга бўлган кўп асрлик дарахтлар сақланиб қолган. Шунингдек, боғ ҳудудида сакура дарахтлари - декоратив гилос мавжуд бўлиб, уларнинг гуллашини кузатиш япон маданиятининг ажралмас қисми ҳисобланади.

Япония дунёдаги энг экзотик, қадимий ва маънавий жихатдан бой мамлакатлардан бири хиосбланади. Япон маданиятида боғлар алохида ўрин тутади - олам хақидаги фалсафий - ахлоқий тушунча ва ландшафтнинг табиий гўзаллигини мохирона уйғунлаштирган алохида санъат тури. "Ўзэкспомарказ" МКМ мехмонлари Қуёш чиқиши мамлакатининг энг яхши анъаналарида яратилган хақиқий япон боғига ташриф буюриш учун ноёб имкониятга эга.

Чой маданияти – Япония маданиятининг ўзига хос ва ноёб ҳодисаси сифатида – 12–15 асрлар оралиғида шаклланган. Чой маросими одоби синчиклаб ишлаб чиқилган бўлиб, руҳ ва танани чой ичишга тайёрлашга қаратилган қатор маросимларни ўз ичига олади. “Буден” чой павильони айнан чой маросими анъаналарига тўлиқ мувофиқ ҳолда қурилган. Павильон ички безаги ва ундаги чой анжомлари қадимий бронза, керамика, ёғоч ва бамбукдан тайёрланган. Японлар ишонишича, айнан табиий буюмларгина чой ичиш маросимининг асл моҳиятини англаш имконини беради.
Павильон ёнидан “Чезубачи” номли сув манбаи оқиб ўтади – чой маросими олдидан таҳорат олиш ушбу муқаддас ичимликни қабул қилиш жараёнининг ажралмас қисмидир. Сув тоғ жинслари орасидан сизиб чиқиб, махсус маросим косасига қуйилади ва у ердан декоратив ҳовузга сокинлик билан оқиб ўтади.
“Буден” павильонининг яна бир ноёб безаги – Икебана гулдасталаридир. Ривоятларга кўра, тирик гулларни санъаткорона безаш – яъни икебана санъати – айнан чой маросимидан бошланган.