“Tashkent Fashion & Textile Expo 2023” халқаро мода ва тўқимачилик кўргазмаси Ўзбекистоннинг улгуржи ва чакана савдо бозорлари учун бизнес платформа бўлиб хизмат қилади, шунингдек хорижий мамлакатларнинг мода, гўзаллик ва тўқимачилик саноатидаги таниқли брендларни намойиш этади.
Кўргазмада Туркия, Хитой, Ўзбекистон ва бошқа мамлакатлардаги тўқимачилик ва тикувчилик корхоналари маҳсулотларини намойиш этаётган 100 дан ортиқ компаниядан 4 мингга яқин иштирокчи қатнашмоқда.
Кўргазма майдонларида мода ва рақамли бизнес мутахассислари, таниқли стилистлар, визажистлар, маркетологлар ва ишбилармон вакилларидан маҳорат дарслари, шунингдек, Б2Б форматида музокаралар ва учрашувлар ўтказилмоқда.