2025 йил 23–25 июнь кунлари “Ўзэкспомарказ” МКК” АЖда UZIME 2025 — Халқаро машинасозлик кўргазмаси бўлиб ўтади.

Кўргазманинг асосий мақсади — Ўзбекистон бозорига чет эл компаниялари ва корхоналарини жалб қилиш, ҳамкорлик ва ишбилармонлик алоқаларини ўрнатиш учун янги имкониятлар яратишдан иборат. Кўргазма машинасозлик соҳасининг асосий йўналишларини қамраб олади, жумладан: қурилиш, энергетика ва ишлаб чиқариш ускуналари.

Кўргазмада қурилиш, ишлаб чиқариш, металлургия, кончилик, энергетика ва сув хўжалиги соҳаларида фаолият юритаётган тахминан 70 та маҳаллий ва халқаро корхона иштирок этади.

Кўргазмага ташриф буюрувчилар ва иштирокчилар учун (18 ёшдан катталар) ҳар куни қимматбаҳо совғалар жойланган лотерея ўйинлари ташкил этилади. Ҳар бир меҳмон iPhone 16 ютиб олиш имкониятига эга бўлади.

UZIME 2025 қурилиш ва энергетика соҳаларида инновацион ечимларни тақдим этиш, тажриба алмашиш ва узоқ муддатли ҳамкорликни йўлга қўйиш учун бетакрор платформага айланади.

Кўргазма ташкилотчиси: «ALPHA EXPO» МЧЖ